Iskkadeapmi

Bargo-EKG

Bargo - EKG addá dieđu movt du váimmu doaibmá barggadettiin/rahčadeddiin. Iskkus galgá čielggadit lea go dus váibmosivva baskkes váibmosuonaid geažil, vuoi lea go lihkadeame/rahčama geažil ahte dus váibmu ii coahke dássedit. Dasa lassin čájeha iskkus man ollu lihkadeame/rahčama gierddat. Iskkus váldo ergometer - sihkkeliin dahje vázzinmilluin mii šaddá losit ja losit sihkkelastit/vázzit. Mii sisačállit/registreret váibmoritma (EKG) ja varradeattu iskosa vuolde.

Ovdal

Don sáhtát borrat geahppa iđitborramuša, muhto it berre borran 2 diimmu ovdal iskosa. Don sáhtát čázi juhkat dassážii go iskkus álgá. .
Lea ovdamunni coggat buriid skuovaid ja vuogas/praktihkalaš biktasiid
Galggat borrat dálkasiid nu go dábálaččat jus it leat oččon dieđu ahte it galgga.

Vuolde

Don válddat iskosa sihkkelastimin ergomehter - sihkkeliin dahje vázzimiin vázzinmillu alde. Don galggat doalahit nu jámma leavttu go vejolaš.

Iskkos álgo geahppasit sihkkelastimiin/vázzimiin ja dađistaga lossu ja lossu (1-3) mottiid minuhtaid gaskkaid. Jámma iskojuvvo varradeaddu. Vuoi iskkus galgá šaddat nu buorre go vejolaš lea deaŧalaš ahte it bisán beare árrat

Iskkus jotko dassážii go it nagot šat dahje mii oaidnit ahte lea buoremus bissehit. Jus šaddet bákčasat de galggat muitalit midjiide.

Jus váccát vázzinmillu alde de muddejuvvo leaktu ja vuosttálat iskkadettiin. Vuoiŋŋasteame vuolde čuovvut mii mielde dassážii go váibmocoahkkin ja varradeaddu lea fas dábálaš.

Maŋŋel

Maŋŋel iskosa áicat mii du oanehaš. Boađus iskosis boahtá dákkaviđe. Dávdamearkkaid ja iskosa bohtosiid vuođul mii árvvoštallat leago dárbu eambbo iskosiidda dahje dálkkodeapmái.

Bargo-EKG

Ovdal

Ovdal Čájet eambbo

Vuolde

Vuolde Čájet eambbo

Maŋŋel

Maŋŋel Čájet eambbo